Khutbah Bahasa Jawa: Maulid Nabi

Khutbah Jum'at Jawa

Terjemah Jawa Khotbah Jum’at 3

MAULID NABI

إِنَّ الْحَمْدَ لِلهِ نَحْمَدُهُ وَنَسْتَعَيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالنَا مَنْ يَهْدِهِ الله فَلاَ مُضِلَّ لَهُ وَمَنْ يُضْلِلْ فَلَا هَادِيَ لَهُ. وَأَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ. { يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسۡلِمُونَ } {يَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا} {يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا ٧٠ يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا ٧١ }

أَمَّا بَعْدُ: فَإِنَّ أَصْدَقَ الْحَدِيْثِ كِتَابُ اللهِ وَخَيْرَ الهَدْيِ هَدْيُ مُحَمَّدٍ –  صَلَّى اللهُ عَلَيْهِ وَعَلَى آلِهِ وَسَلَّمَ –  وَشَرَّ الْأُمُوْرِ مُحْدَثَاتُهَا وَكُلَّ مُحْدَثَةٍ بِدْعَةٌ وَكُلَّ بِدْعَةٍ ضَلَالَةٌ وَكُلَّ ضَلَالَةٍ فِي النَّارِ.

Kaum muslimin ingkang mugi-mugi tansah kalimpahan taufiq saking Allah ﷻ….

Ukara ingkang paling pantes kangge kita lantunaken saking awal khutbah inggihmenika syukur dhumateng Allah ﷻ , amargi sedaya limpahan kanikmatan ingkang boten nate kita mangertosi jumlahipun.

Shalawat saha salam mugi-mugi tansah kacurahaken tumrap baginda Nabi Muhammad ﷺ sang suri teladan saha panutan umat, tiyang ingkang penyayang ugi pemerhati umat.

Kadosdene ingkang sampun dituladhani dening baginda nabi ﷺ ing saben khotbah jum’atipun, beliau ngemutaken kanthi ketaqwaan, amargi puniku kula ngemutaken tumrap dhiri kula piyambak saha kaum muslimin sedaya kanthi wasiat saking Allah saha Rasulipun. Allah Ta’ala berfirman:

وَلَقَدۡ وَصَّيۡنَا ٱلَّذِينَ أُوتُواْ ٱلۡكِتَٰبَ مِن قَبۡلِكُمۡ وَإِيَّاكُمۡ أَنِ ٱتَّقُواْ ٱللَّهَ

“Lan temenan Kami wis mrentahake marang wong-wong sing diwenehi kitab sakdurunge kowe kabeh lan (uga) marang kowe kabeh; takwao marang Allah.”  {QS. An Nisa’: 131}

Rasulullah ﷺ ugi bersabda:

اِتَّقِ اللهَ حَيْثُ مَا كُنْتَ وَأَتْبِعِ السَّيِّئَةِ الْحَسَنَةَ تَمْحُوْهَا وَخَالِقِ النَّاسَ بِخُلُقٍ حَسَنٍ

“Takwao neng ngendi wae kowe manggon, lan tutupen tumindak alamu (sik kepungkur) kanthi (amal-amal) kabecikan niscaya bakal mbusak (dosa kang wis kepungkur), lan kekancana kanthi manungsa kang akhlake becik.” [HR. At Tirmidzi, Ad Darimiy, Ahmad, Al Hakim]

Kaum muslimin ingkang mugi-mugi dirahmati Allah سبحانه و تعالى ….

Kita ing sajroning sasi Rabi’ul Awal, sasi ingkang dipengeti dening saperangan kaum muslimin minangka sasi miyosipun Rasulullah ﷺ , ugi kita saksikaken boten sekedhik saking kaum muslimin ingkang bergegap gempita mengeti dinten miyosipun Rasulullah ﷺ , inggihmenika tanggal 12 Rabi’ul Awal. Ananging menapa leres bilih Rasulullah miyos tanggal 12 Rabi’ul Awal?

Kaum muslimin ingkang mugi-mugi kalimpahan taufiq saking Allah Ta’ala…

Menawi kita deleng ing maneka warni riwayat babagan miyosipun Rasulullah ﷺ , menapa dene katrangan para ulama, pramila bakal kita dapatkan maneka warni perbedaan dan kontradiksi ingkang mencolok sanget.

Saking Syu’aib bin Syu’aib, saking ramanipun, saking simbahipun: Rasulullah ﷺ miyos ing dinten Senin surya kaping 12 Ramadhan, babagan menika ugi didhasaraken bilih sasi Ramadhan puniku sasi nalika beliau angsal wahyu pisanan saha diangkat minangka nabi. Pamanggih menika gadhahi ancas kangge nggenepaken itungan 40 tahun yuswa beliau ﷺ nalika diangkat minangka nabi. Ing riwayat sanes, miyos ing wekdal fajar (shubuh). Saking Sa’id bin Musayib: Rasulullah ﷺ miyos ing dalu 12 Rabi’ul Awal. Saking Abu Ja’far Muhammad bin Aliy: Rasulullah ﷺ miyos ing sedasa (pisanan) sasi Rabi’ul Awal. Ad Dimyathiy ngendika : ingkang leres inggihmenika pamanggihipun Abu Ja’far; beliau ﷺ miyos tanggal 20 sasi Naisan (istilah kangge sasi April). Wonten malih ingkang gadhahi panemu bilih beliau miyos ing sasi Shafar, wonten malih ingkang berpendapat Rabi’ul Akhir, ugi wonten ingkang berpendapat  10 Muharram (dinten Asyura).

Dene adedhasar panaliten ulama ahli sejarah Muhammad Sulaiman Al Mansurfury saha ahli astronomi Mahmud Basya kasimpulaken bilih dinten senin enjing ngepasi wiwitan warsa saking prastawa penyerangan prajurit gajah saha 40 tahun saksampune kekuasaan Kisra Anusyirwan utawi ngepasi tanggal 20 utawi 22 April warsa 571 M, dinten senin kasebut ngepasi tanggal 9 Rabi’ul Awal.

Kaum muslimin sedaya ingkang mugi-mugi kalimpahan taufiq Allah Ta’ala ….

Wonten saperangan bab ingkang prelu sanget kita gatekaken sajroning pengetan maulid/miyosipun Rasulullah ﷺ inggihmenika :

Ingkang kapisan, kadosdene katrangan ulama ahli sejarah bilih sedaya riwayat babagan wekdal miyosipun Rasulullah ﷺ boten wonten ingkang saged didadosaken landhesan amargi sedaya boten ucul saking cacat ilmiah sajroning periwayatan, kadosdene bab menika sampun dikenal ing ilmu riwayat.

Wondene riwayat ingkang shahih & kredibel nyebataken miyosipun beliau ﷺ inggihmenika dinten Senin kemawon, tanpa nyebataken tanggal ugi sasi ingkang spesifik. Abu Qotaadah Al-Anshaariy ngriwayataken bilih Nabi ﷺ ditangleti babagan shaum dinten Senin, beliau njawab :

ذَاكَ يَوْمٌ وُلِدْتُ فِيهِ، وَيَوْمٌ بُعِثْتُ أَوْ أُنْزِلَ عَلَيَّ فِيهِ

“Ing dina iku aku dilairake, dina aku diutus utawa diudhunke wahyu marang aku (sing pisanan). (HR. Muslim)

Saklangkunge menika, ingkang nyebataken spesifik tanggal saha sasi, mila bab puniku namung gagasan-gagasan kemawon. Menawi mekaten, mila kita boten saged nemtokaken kanthi leres saha pasti babagan wekdal miyosipun Rasulullah ﷺ, ugi namung muspra nelasaken tenaga, mborosne wekdal, guwang arta kangge mengeti (tanggal) klairan ingkang boten pasti.

Kaping kalih, Rasulullah ﷺ piyambak saha generasi wiwitan umat islam, ingkang dheweke iku gatekaken sanget ibadah saha kabecikan, inggihmenika para sahabat Rasulullah, banjur generasi sakbanjure inggihmenika para tabi’in, saha sakbanjure malih inggihmenika tabi’ut tabi’in, sedayane boten wonten kang nglaksanakaken perayaan pengetan miyosipun nabi, dene dheweke inggihmenika kaum ingkang kawentar sanget tresna dhumateng Nabi ﷺ ugi semangat sanget sajroning kabecikan. Menawi dheweke boten nglakoni, menapa kula lan panjenengan sedaya langkung berhak nglakoni? Utawi kita langkung alim/mangertosi saking para sahabat? Menawi menika kabecikan (pengetan maulid), mesthine para sahabat sampun ndhisiki kita sajroning ngamal kabecikan.

Kapan pengetan Maulid Nabi jumedhul?

Perayaan Maulid ingkang kapisan diwiwiti dening kelompok penganut agama Syi’ah Batiniyah, kelompok menika  berkuasa ing Mesir ing awal abad ke-4 H. Kelompok syia’ah batiniyah inggihmenika kelompok ingkang gadhahi kathah pengetan maulid, ing antawisipun inggihmenika maulid Nabi ﷺ , maulid Ali bin Abi Thalib, maulid Fatimah, maulid Hasan, maulid Husain ugi maulid panguwasanipun. Amargi puniku, para ulama sarujuk bilih maulid jumedhul ing zaman wingkingan, sakbibare wekdal abad ingkang paling utama sajroning umat menika (al quruun al mufadholah).

Pengetan maulid menika dereng nate wonten ing zaman Nabi ﷺ saha para sahabat, tabi’in ugi tabi’ut tabi’in. Allah berfirman :

ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِي وَرَضِيتُ لَكُمُ ٱلۡإِسۡلَٰمَ دِينٗاۚ

“Ing dina iki wes tak sempurnakne agama kanggo kowe kabeh, lan wis Takcukupne marang kowe kabeh nikmat-Ku, lan wis Tak-ridhai Islam iku dadi agamamu kabeh.” {QS. Al Maidah: 3}

Ayat ingkang nyatakaken kasampurnane islam menika mandhap dhumateng Rasulullah ﷺ , ugi disaksikne dening para sahabatipun sarta diwucalaken dhumateng para sahabat. Islam ing dinten menika sampun sampurna, pramila gatosaken ucapanipun Al Imam Malik, beliau ngendika :

فَمَا لَمْ يَكُنْ يَوْمَئِذٍ دِيْنًا لَا يَكُوْنُ الْيَوْمَ دِيْنًا

“Mula ing dina iku ora dianggep minangka bagiyan saka agama, dina iki wes dudu bagiyan saka agama.”

Satemah Rasulullah ﷺ tebih-tebih dinten, saking 14 abad kepengker sampun mawantu-wantu, mengetaken kita saking prakara ibadah kang diwonten-wontenke, kang boten wonten pituduh dalilipun saking beliau, saha amalan kasebut katolak. Rasulullah bersabda:

وَإِيَّاكُمْ وَمُحْدَثَاتِ الْأُمُوْرِ فَإِنَّ كُلَّ مُحْدَثَةٍ بِدْعَةٌ وَإِنَّ كُلَّ بَدْعَةٍ ضَلَالَةٌ.

“Adohana tumrap kowe kabeh saka saben prakara kang anyar (ing agama) kang dienek-enekke, amarga saben prakara anyar (ing agama) kang dienek-enekke iku bid’ah, lan saben bid’ah iku sesat.” .”[HR. Ahmad, Abu Daud, Ibnu Majah. Dinyatakaken shahih dening Al Arnauth]

Beliau ugi bersabda :

مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ

“Sapa wae kang ngenek-enekke prakara anyar ing agama kami, kang ora ana contone saka Nabi mula dhewekke katolak.” [Muttafaqun ‘Alaih.]

Sajroning riwayat Al Imam Muslim, Rasulullah ﷺ bersabda:

مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ.

“Sapa wae ngamal kanthi sawijine amalan kang ora ana tuntunane saka kami mula dhewekke katolak.”

Wahai kaum muslimin…..mangertiya…. bilih agama islam menika sanes hasil karya manungsa, ananging saking Allah, dimandhapaken tumrap Rasulullah Muhammad ﷺ ugi disampekne tumrap umat menika. Agama islam sanes seni utawi kreatifitas kang saben tiyang bebas gadhahi panemu, selera, lan pendapat. Al Imam Az Zuhri ngendika :

مِنَ اللهِ الرِّسَالَةُ وَعَلَى الرَّسُوْلِ الْبَلَاغُ وَعَلَيْنَا التَّسْلِيْمُ.

“Risalah (ajaran agama islam) menika dugine saking Allah, saha kuwajiban Rasulullah nyampekaken, ugi kuwajiban kita inggihmenika pasrah dhiri lan manut.” [Al Bukhari.]

Mugi-mugi shalawat, salam saha kaberkahan kacurah dhumateng Nabi kita Muhammad ﷺ suri teladan kita saha mugi Allah ngridhoi sedaya sahabat beliau ingkang minulya, para pendahulu kita sajroning iman, islam saha kabecikan.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ وَنَفَعَنِيَ اللهُ وَإِيَاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ كَمَا تَسْمَعُوْنَ وَأَسْتَغْفِرُ اللهَ لِي وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ فَاسْتَغْفِرُوْهُ إِنَّهُ هُوَالْغَفُوْرُ الرَّحِيْمُ

Khotbah Kapindho

اَلْحَمْدُ لِلهِ عَلَى إِحْسَانِهِ, وَالشُّكْرُ لَهُ عَلَى تَوْفِيْقِهِ وَامْتِنَانِهِ, وَأَشْهَدُ أَنْ لَا إله إِلَّا اللهُ وَحْدَهُ لَا شَرِيْكَ لَهُ تَعْظِيْماً لِشَأْنِهِ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ صَلَّى اللهُ عَلَيْهِ وَعَلَى آلِهِ وَأَصْحَابِهِ وَسَلَّمَ تَسْلِيْمًا مَزِيْدًا.

Kaum muslimin ingkang mugi tansah dirahmati Allah Ta’ala ….

Saben amalan ibadah ingkang dilakoni mesthine kita sedaya ngarep bilih amalan kasebut ditampi dening Allah Ta’ala saha gadhahi biji ganjaran kabecikan. Nanging, prelu dados kawigaten ugi, bilih boten sekedhik tiyang ngira sampun nglakoni kabecikan pranyata dheweke dhawah sajroning kesesatan. Geneya saged padhal namung Allah ingkang nemtokaken saha mirsani amal hambanipun iku ditampi menapa boten? Wangsulane inggihmenika: Allah ingkang menehi pirsa, ingkang mangsuli kanthi firmanipun :

قُلۡ هَلۡ نُنَبِّئُكُم بِٱلۡأَخۡسَرِينَ أَعۡمَٰلًا ١٠٣ ٱلَّذِينَ ضَلَّ سَعۡيُهُمۡ فِي ٱلۡحَيَوٰةِ ٱلدُّنۡيَا وَهُمۡ يَحۡسَبُونَ أَنَّهُمۡ يُحۡسِنُونَ صُنۡعًا ١٠٤

“Omongna: “Apa (kowe kabeh sudi) bakal Kami menehi ngerti marang kowe kabeh babagan wong-wong kang paling ngrugi polatane? Yaiku wong-wong kang wis muspra polatane kauripane ing donya iki, dene dheweke ngira yen dheweke nglakoni sak-apik-apike.” {QS. Al Kahfi: 103 -104}

Amargi ingkang dheweke kinten becik menika logikane, miturut pamanggihe, miturut selerane, sanajan pranyatane tebih saking petunjuk Allah سبحانه و تعالى . Allah سبحانه و تعالى  sampun mandhapaken Al Quran saha As Sunnah minangka aturan urip, ingkang ngatur saking masalah manah/kapitadosan ngantos urusan lahir/penampilan. Sedaya sampun wonten aturan/pakeme, gari kita sinaoni saha kita amalaken. Sanes kanthi cara ngamalaken manut selera hawa nepsu banjur madosi dalil kangge ngleresne.

أَلاَ وَصَلُّوا ياَ عِبَادَ اللهِ عَلَى رَسُوْلِ الْهُدَى فَقَدْ أَمَرَكُمُ اللهُ بِذَلَكَ فِي كِتَابِهِ { إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ٥٦ }

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَيْتَ عَلَى إِبْرَاهِيْمَ وَعَلَى آلِ إِبْرَاهِيْمَ إِنَّكَ حَمِيْدٌ مَجِيْدٌ ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ إِنَّكَ حَمِيْدٌ مَجِيْدٌ

وَارْضَ اللَّهُمَّ عَنِ الخُلَفَاءِ الرَّاشِدِيْنَ الأَئِمَّةِ المَهْدِيِيْنَ أَبِيْ بَكْرِ ، وَعُمَرَ ، وَعُثْمَانَ ، وَ عَلِي، وَارْضَ اللَّهُمَّ عَنِ الصَّحَابَةِ أَجْمَعِيْنَ، وَعَنِ التَابِعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، وَعَنَّا مَعَهُمْ بِمَنِّكَ وَكَرَمِكَ وَإِحْسَانِكَ يَا أَكْرَمَ الأَكْرَمِيْنَ.

اللّهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ

اللهم إَنَّا نَسْأَلُكَ إِيْمَانًا كاَمِلاً وَيَقِيْنًا صَادِقَا وَنِيَّةً خَالِصَةً وَعَزِيْمَةً رَاشِدَةً…. اللهم إَنَّا نَسْأَلُكَ قَلْبًا خَاشِعًا وَلِسَانًا ذَاكِرًا وَعَمَلاً صَالِحاً مُتَقَبَّلاً.

اللهم إِنَّا نَسْأَلُكَ فِعْلَ الْخَيْرَاتِ وَتَرْكَ الْمُنْكَرَاتِ وَحُبَّ الْمَسَاكِيْنِ وَأَنْ تَغْفِرَ لَنَا وَتَرْحَمَنَا وَإِذَا أَرَدْتَ فِتْنَةَ قَوْمٍ فَتَوَفَّنَا غَيْرَ مَفْتُوْنِيْنِ. اللهم إِنَّا نَسْأَلُكَ حُبَّكَ وَحُبَّ مَنْ يُحِبُّكَ وَحُبَّ عَمَلٍ يُقَرِّبُ إِلَى حُبِّكَ.

اللهم إِنَّا نَسْأَلُكَ لَذَّةَ النَّظَرِ إِلَى وَجْهِكَ وَالشَّوْقَ إِلَى لِقَائِكَ.

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ و َمَنْ تَبِعَهُمْ بِإِحْسَانٍ إِلَى يَوْمِ الدّيْن.

وَآخِرُ دَعْوَانَا أَنِ الْحَمْدُ لله رَبِّ الْعَالَمِيْنَ.

 

Alih bahasa dening : Yulianto

Tinggalkan Balasan